យុវជនមួយក្រុមនឹងទៅបោះតង់សម្រាកលំហែកាយបំណាច់ឆ្នាំសកល២០១៧នេះ នៅរមណីយដ្ឋានធម្មជាតិភ្នំបូកគោសម្រាប់រយៈពេលបីថ្ងៃពីថ្ងៃទី២២ដល់ថ្ងៃទី២៤ ខែធ្នូ។ ជាដំណើរកំសាន្តសម្រាកចំពេលដែលកម្ពុជារៀបចំពិធីបុណ្យសមុទ្រប្រចាំឆ្នាំដ៏អស្ចារ្យនៅខេត្តកំពត។ អ្នករៀបចំកម្មវិធីដំណើរកំសាន្តនេះ គឺក្រុមជំនាញបោះតង់ក្នុងស្រុក Amazing Trip Planner។
«ជំរំតង់ សិសិររដូវឋានសួគ៌បូកគោ» «ឋានីយតុសិត»
ស្ថាបនិកAmazing Trip Planner លោក សា ឌីណា បានឱ្យដឹងពីមូលហេតុនៃការជ្រើសរើសតំបន់រមណីយដ្ឋានភ្នំបូកគោនេះគឺដោយសារជាតំបន់ទេសចរណ៍ធម្មជាតិ វប្បធម៌ប្រវត្តិសាស្ត្រ។ ទេសភាពនៅរមណីយដ្ឋាន មានភាពទាក់ទាញ អស្ចារ្យ និងគួរឱ្យភ្ញាក់ផ្អើលបំផុតព្រោះតែតំបន់ប្រវត្តិសាស្ត្រ ដូចជាព្រះរាជដំណាក់របស់អតីតព្រះមហាក្សត្រ កាស៊ីណូនៅសម័យបារាំង ទឹកជ្រោះពពកវិល វាលស្រែ៥០០ បឹងធម្មជាតិដ៏ស្រស់ស្អាតលើភ្នំ ផ្កាក្រឡោម និងវត្តសំពៅប្រាំដែលជាទីសក្ការៈជាដើម។ បន្ថែមពីនេះ ទេសភាពខៀវស្រងាត់ និងទេសភាពសមុទ្រ ខ្យល់អាកាសស្រស់ថ្លាដែលជាទីទាក់ទាញ និងរំសាយចិត្តនៃអ្នកទេសចរ។
No comments:
Post a Comment